പെൻഷൻ പണം ആർക്കൊക്കെ നൽകണം?

 

പെൻഷൻ പണം ആർക്കൊക്കെ നൽകണം?

 പെൻഷൻ സംവിധാനം എല്ലാവർക്കും ഉപയോഗിക്കാൻ കഴിയുന്നതാണ്.

അത് ഉപയോഗിക്കാത്തവരാണ് ബഹുഭൂരിപക്ഷം!

ആ വിഷയം പിന്നൊരിക്കൽ ചർച്ച ചെയ്യാം...

 

👉ഇപ്പോൾ , പെൻഷൻ ഉള്ള ജോലിയിൽ ഉള്ളവർക്കാണീ കുറിപ്പ്.

നിലവിലുള്ള രണ്ടു തരം പെൻഷൻകാർക്കും , പെൻഷൻ സമയത്ത് ഒരു തുക ഒരുമിച്ച് ലഭിക്കുമെല്ലോ. പങ്കാളിത്ത പെൻഷൻകാർക്ക് , ആകെ കോർപ്പസിന്റെ 60% ഒരുമിച്ച് , ടാക്സ് നൽകാതെ - 60 ആം വയസ്സിൽ പിൻവലിക്കാൻ കഴിയുമെല്ലോ.

 

👉ആ തുക എന്തിനുവേണ്ടിയാണ് ഉപയോഗിക്കേണ്ടത്?

ഒരായിരം കാര്യങ്ങൾ മുമ്പേ തന്നെ ആലോചിച്ചുറപ്പിച്ചിട്ടുണ്ടാവും!

അത് എന്തൊക്കെയാവും?

മക്കളുടെ വിവാഹത്തിന് , ഭൂമി വാങ്ങാൻ , കടങ്ങൾ തീർക്കാൻ , ലോണുകൾ ക്ലോസുചെയ്യാൻ...ഇങ്ങനെ ഇങ്ങനെ......

 

👉യഥാർത്ഥത്തിൽ ആ തുക ഈവക ആവശ്യങ്ങൾക്കുള്ളതാണോ?

അല്ല എന്നതാണ് ശരിയായ ഉത്തരം.

👉അത് പെൻഷനറുടെ ആവശ്യങ്ങൾക്ക് മാത്രം ഉള്ള തുകയാണ്!!

ആരുടെ മുന്നിലും കൈനീട്ടാതെ , തലയുയർത്തി - ജീവിതാന്ത്യം വരെ ജീവിക്കാൻ നീക്കിവയ്ക്കേണ്ട തുകയാണത്.

ഇത്തരം ആശയങ്ങൾ നമ്മുടെ സമൂഹത്തിന് പരിചിതമായി വരുന്നതേയുള്ളു.

 

👉പെൻഷനായി ലഭിക്കുന്ന തുക , ജീവിതാവശ്യങ്ങൾക്ക് തികയാൻ സാധ്യതയേയില്ല.

50,000 - 75,000 കുടുംബച്ചെലവുള്ള ആളിന് 25,000 - 35,000 പെൻഷൻ ലഭിച്ചാൽ എന്താവാനാണ്? പ്രത്യേകിച്ചും ഒരാൾക്ക് മാത്രം സ്ഥിര വരുമാനമുള്ള കുടുംബങ്ങളിൽ...

ബാക്കി തുക എവിടെ നിന്ന് ശേഖരിക്കും?

ഒരു രണ്ടാം ജോലി വളരെ ബുദ്ധിമുട്ടാണ്.

 

56/60 ൽ റിട്ടയർ ആകുന്നയാൾ 80 - 90 വരെ ജീവിക്കുമെന്ന് കരുതിയാൽ , 30 - 40 വർഷം ആക്ടീവായ വരുമാനമില്ലാത്ത കാലമാണ്. ആ കാലത്തും ചിലവുകൾ ഉണ്ടല്ലോ. ചികിത്സാ ചെലവുകൾക്ക് നല്ല തുക വിനിയോഗിക്കേണ്ടിയും വരും.

 

അതിനാൽ , റിട്ടയർമെന്റ് തുക ബിദ്ധിപൂർവ്വം വിനിയോഗിക്കേണ്ടതുണ്ട്. അവർക്ക് കുറേ കട ബാധ്യതകൾ ഉറപ്പായും ഉണ്ടാകാം. അത് വീട്ടുകയും വേണം.

അവർക്ക് ഏത് തരത്തിലുള്ള പ്ലാനിംഗ് ആയിരിക്കും അനുയോജ്യമായിരിക്കുക?

ഒരുപാട് രീതികൾ ഉണ്ട്.

👉അതിൽ ഒന്ന് ഇവിടെ പരിചയപ്പെടുത്തുന്നു.

 

 

CASE - 1

👉ഒരാൾ റിട്ടയർ ആകുന്നു.

👉50 ലക്ഷം രൂപയുടെ കോർപ്പസ് കൈവശം ഉണ്ടെന്ന് കരുതുക.

👉25 ലക്ഷത്തിന്റെ ഹോം ലോൺ അടച്ചു തീരാൻ ഇനിയും 8-10 വർഷം ഉണ്ടെന്നിരിക്കട്ടെ. മാസം 25.000/ആണ് EMI എന്നും കരുതുക.

👉അയാൾ ഫൈനാൻഷ്യൽ പ്ലാനിംഗ് എപ്രകാരമാണ് നടത്തേണ്ടത്?

 

👉1 . കൈവശമുള്ള 50 ലക്ഷത്തിൽ നിന്നുള്ള 10 - 18 ലക്ഷം ഒരുമിച്ചെടുത്ത് ഹോം ലോൺ അടച്ചുതീർക്കുക. എന്നിട്ട് സമാധാനമായിരിക്കുക. ഇതാണ് ഭൂരിഭാഗംപേരും തെരഞ്ഞെടുക്കുന്ന വഴി?

 

👉നമുക്ക് മറ്റൊരു വഴികൂടി നോക്കാം.

കൈവശമുള്ള 50 ലക്ഷത്തെ 5 Mutual Fund ൽ നിക്ഷേപിക്കുന്ന രീതിയാണത്.

👉10 ലക്ഷം വീതം ഓരോ ഫണ്ടിൽ ഇൻവെസ്റ്റ് ചെയ്യുന്നു. ആകെ 5 ഫണ്ടുകൾ.

ഒരു DEBT ഫണ്ട് , ഒരു HYBRID ഫണ്ട് , ഒരു MULTICAP / FLEXI CAP ഫണ്ട് , ഒരു INDEX FUND , ഒരു MIDCAP ഫണ്ട് - എന്നിവ. ഒരേ ദിവസം നിക്ഷേപിക്കുന്നു.

 

🔴1 . DEBT ഫണ്ട് 6-8% വാർഷിക റിട്ടേൺ നൽകിയേക്കും.  6% എന്ന് കരുതുക. 10 ലക്ഷം നിക്ഷേപിക്കുന്നു. SWP ഇവിടെ ഉപയോഗിക്കുന്നു. മാസം തോറും 25,000/ രൂപ വീതം പിൻ‌വലിക്കുന്നു. ( അത് ലോണിലേക്ക് അടയ്ക്കുന്നു ) 3 വർഷവും 9 മാസവും പിൻവലിക്കുമ്പോൾ ( 35 മാസം ) - ആ തുക തീരും. ( ആകെ - 11 ലക്ഷം 25 ആയിരം രൂപ )

 

🔴 2 . HYBRID ഫണ്ട് 10 - 14 % വാർഷിക റിട്ടേൺ നൽകിയേക്കും. 10% എന്ന് തീരുമാനിക്കാം. മാസാമാസം - 30,000/ വച്ച് പിൻ‌വലിക്കുന്നു. ( EMI 25,000 അടയ്ക്കുന്നു. ) 5 വർഷവും 1 മാസവും പിൻവലിക്കാനുള്ള തുക അവിടെ ഉണ്ടാവും. ( 18 ലക്ഷം 30 ആയിരം രൂപ ) ആ തുകയും തീർന്നു. ( ഹോം ലോൺ തീർന്നു കാണും )

 

( 60 വയസുമുതൽ ആണ് പണം പിൻവലിച്ചുതുടങ്ങിയതെങ്കിൽ ഇപ്പോൾ വയസ് - 68 വർഷം 10 മാസം )

 

🔴 3 . MULTICAP / FLEXI CAP ഫണ്ട് 13 - 26 % വാർഷിക റിട്ടേൺ നൽകിയേക്കും. ഏറ്റവും ലോവെസ്റ് ബാന്റിൽ നിന്ന് കണക്കുകൂട്ടാം. റിട്ടേൺ - 13% എന്ന് കരുതുക. 45,000 / 48,000 വച്ച് മാസാമാസം പിൻ‌വലിക്കുന്നു. 6 വർഷവും 11 മാസവും പിൻവലിക്കാനുള്ള തുക അവിടെ ഉണ്ടാവും. ( 37 ലക്ഷം 35 ആയിരം രൂപ ) ആ തുകയും തീർന്നു. ഇപ്പോൾ വയസ് - 75 വർഷം 9 മാസം

 

🔴 4 . INDEX FUND- 17 - 19 % വാർഷിക റിട്ടേൺ നൽകിയേക്കാം. 13% എന്ന കണക്കുകൂട്ടാം. ( ലോവെസ്റ് ബാന്റിലും താഴെ ) 60,000 / 65,000 വച്ച് പിൻ‌വലിക്കുന്നു. 14 വർഷവും 6 മാസവും പിൻവലിക്കാനുള്ള തുക അവിടെ ഉണ്ടാവും. ( 1 കോടി 04 ലക്ഷം 40 ആയിരം രൂപ ) ആ തുകയും തീർന്നു. ഇപ്പോൾ വയസ് - 90 വർഷം 3 മാസം

 

 

🔴 5 . MIDCAP ഫണ്ട് - 20-25% റിട്ടേൺ നൽകിയേക്കാം. 13% എന്ന കണക്കുകൂട്ടാം. ( ലോവെസ്റ് ബാന്റിലും താഴെ ) 90 വയസായ പെൻഷനർക്ക് ആവശ്യമുള്ള തുക പിൻവലിക്കാം. തുടക്കത്തിൽ തന്നെ 4 കോടി രൂപ അവിടെ ഉണ്ടാവും. കാലശേഷം ബാക്കി തുക അവകാശിക്ക് ലഭിക്കും.

 

ഏറ്റവും ചെറിയ റിട്ടേൺ വച്ചാണ് കണക്കുകൂട്ടലുകൾ നടത്തിയിട്ടുള്ളത്. യഥാർത്ഥത്തിൽ കിട്ടുന്നത് ഇതിലും വലിയ തുകകൾ ആയിരിക്കും. കസ്റ്റമൈസ് ചെയ്ത് ആർക്കും അനുയോജ്യമായതായി ഈ രീതി മാറ്റാൻ കഴിയുന്നതാണ്.

 

 

UDHAYAKUMAR S

Mutual fund Distributor

Retirement Adviser | NISM Certified 

 

സാമ്പത്തിക ലക്ഷ്യങ്ങൾ നേടിയെടുക്കാൻ Mutual Fund ൽ നിക്ഷേപം നടത്താൻ താല്പര്യമുള്ളവർക്ക് / കൂടുതൽ അറിയാൻ താല്പര്യമുള്ളവർക്ക് -

ഞങ്ങളുടെ Whatsapp group ൽ join ചെയ്യാവുന്നതാണ്.

                   👇

A PLUS Mutual Fund SIP 🥰 Family